Hardanger Musikkfest
I ettermiddag er det klart for den 12. Hardanger Musikkfest. I år er snart 5.300 billetter solgt på forhånd. På programmet står blant andre Brazz Brothers, Jan Garbarek Group, Leif Ove Andsnes, og Trondheimsolistene.

Hardingfelespelar Åse Teigland, skodespelar Helge Jordal, sopran Solveig Kringlebotn og Trondheimsolistene opnar festivalen, medan Ullensvang ungdomskor, cellist Torleif Thedéen og The Brazz Brothers avsluttar dagen med nattkonsert i Ullensvang Kyrkje.

Jan Garbarek Group, Leif Ove Andsnes, Håvard Gimse, Henning Kraggerud, Johannes Weisser, Berit Norbakken Solset og Anders Clemens Øien er nokre av dei andre namna som står på programmet når kunstnarisk leiar Stig Nilsson og styreleiar Åse Kleveland inviterar til musikkfest i den vakre fruktbygda Lofthus i Ullensvang i pinsehelga, frå 24. - 28. mai 2007.

I tillegg vil miljøvernminister Helen Bjørnøy vera til stades ved ei markering av at restaureringsarbeidet på Tyssedal Kraftanlegg er ferdig. Der skal mellom anna Åse Kleveland, Lars Klevstrand og Helge Jordal gå ”I rallarens fotspor”.

Grieg

I Lofthus hadde Edvard Grieg som kjend sin musikalske oase. Her hadde han si eiga komponisthytte og var stamgjest ved Hotel Ullensvang i 30 år. I Grieg-året 2007 har han naturleg nok ein sentral plass i festivalen, både musikalsk og i form av vandringar i hans fotspor. Tidlig fredag morgen startar dagen med ”Vandring i Griegs fotspor” frå Hotel Ullensvang. Vertskap i 4. generasjon, Edmund H. Utne, fortel om Griegs liv i Lofthus med musikkinnslag undervegs ved Åse Teigland, hardingfele, Berit Norbakken Solset, sopran og Søren Rastogi, klaver. Ved lunsjtider gjev dei Griegkonsert på Hotel Ullensvang, før kunstnarisk leiar og fiolinist Stig Nilsson, den svenske meister-cellisten Torleif Thedéen, pianist Håvard Gimse, Henning Kraggerud, bratsj, baryton Johannes Weisser og pianist Søren Rastogi gjev ettermiddagskonsert i Hardangerhallen. På fredag kveld inviterar festivalen til konsert i den spektakulære Turbinhallen ved Tyssedal kraftstasjon med Trondheimsolistene, cellist Torleif Thedéen og sopran Solveig Kringlebotn. Fredagen vert avslutta som dagen før med nattkonsert, denne gong i Kinsarvik Kyrkje med gitarist Anders Clemens Øien, Oslo Strykekvartett og Henning Kraggerud på fiolin.

Spektakulære konsertarenaer

- Hardanger Musikkfest byr på fleire eineståande kombinasjon av natur - og musikkopplevingar i dei fire dagane festivalen varer. Jan Garbarek Group spelar i skumringa ved Hardangerfjordens breidd - midt under eplebløminga. The Brazz Brothers gjev konsert i SIMA kraftstasjon i Eidfjord, Trondheimsolistene spelar ved Vøringsfossen og i kraftstasjonen i Tyssedal, Åse Kleveland skal gå i rallarens fotspor og syngja saman med Lars Klevstrand og Helge Jordal i den store fjellhola Lilletopp, som ligg ein halvtimes klatretur opp frå Tyssedal kraftstasjon. Festivalen byr og på musikalsk føremiddagsvandring frå stove til salong i Lofthusbygda, og stemningsfulle nattkonsertar i dei gamle mellomalderkyrkjene i Lofthus og Kinsarvik, og føremiddagskonsert i Eidfjord gamle kyrkje.

Høgt kunstnarisk nivå

Fiolinist Stig Nilsson, mangeårig konsertmeister i Oslo-filharmonien og musikalsk leiar for festivalen, er ansvarleg for programmet. I år byr han på mykje Grieg, mellom anna inviterar Leif Ove Andsnes, Håvard Gimse og Henning Kraggerud til Grieg-galla, den unge og framståande barytonen Johannes Weisser syng frå Vinje-songane, medan ei av våre fremste hardingfele-spelarar, Åse Teigland frå Hardanger, held Griegkonsert saman med sopran og INTRO-vinnar Berit Norbakken Solset. (Berit Norbakken vant INTRO-prisen under Festspillene i fjor) Ein annleis Griegkonsert vert det når Anders Clemens Øien inntek podiet. Den klassiske gitaristen har som første skandinav vunne førsteprisen i den prestisjetunge Andrés Segovia-konkurransen i Spania. Konkurransen vert rekna som den leiande i verda for klassisk gitarspel. Vidare framfører Oslo Strykekvartett Øystein Sonstads tingingsverk frå Grieg 2007 og Solveig Kringlebotn og The Brazz Brothers (bilete) framfører utdrag frå Haugtussa.

Utdrag fra programmet. For fullt program og ytterligere informasjon, se Hardanger Musikkfest.

Torsdag 24. mai
17.30 Opningskonsert
Hardangerhallen, Hotel Ullensvang
Opningsslått
Åse Teigland

Solveig Kringlebotn, sopran
Trondheimsolistene

22.30 NATTKONSERT
Ullensvang Kyrkje
Kor-avdeling
Ullensvang ungdomskor
Torleif Thedéen, cello

Brazz brothers

Fredag 25. mai

09.30 Vandring i Griegs fotspor

12.00 GRIEGKONSERT
Komponisten, Hotel Ullensvang
Berit Nordbakken Solset, sopran
Søren Rastogi, klaver
Åse Teigland, hardingfele

17.30 ETTERMIDDAGSKONSERT
Hardangerhallen, Hotel Ullensvang
Stig Nilsson, fiolin; Torleif Thedéen, cello; Håvard Gimse, klaver, Henning Kraggerud, bratsj; Torleif Thedéen, cello

Johannes Weisser, baryton; Søren Rastogi, klaver

22.30 KONSERT I KRAFTSTASJONEN
Turbinhallen; Tyssedal
Trondheimsolistene
Torleif Thedéen, cello

Musikk frå Amerika
Solveig Kringlebotn, sopran; Trondheimsolistene

22.30 NATTKONSERT
Kinsarvik Kyrkje
Anders Clemens Øien, gitar; Oslo Strykekvartett: Geir Inge Lotsberg, fiolin; Per Kristian Skalstad, fiolin; Are Sandbakken, bratsj; Øystein Sonstad, cello

Anders Clemens Øien, gitar; Henning Kraggerud, fiolin.

Oslo Strykekvartett: Geir Inge Lotsberg, fiolin; Per Kristian Skalstad, fiolin; Are Sandbakken, bratsj; Øystein Sonstad, cello

Laurdag 26. mai

09.30/10.15 OMVISING OG KONSERT
Agatunet, Aga
Berit Nordbakken Solset, sopran; Anders Clemens Øien, gitar

10.00-13-00 FRÅ STOVE TIL SALONG I LOFTHUSBYGDA
10.00/11.00 Skrivarstova
”Fiolin og klaver”
Stig Nilsson, fiolin; Håvard Gimse, klaver

10.00/11.00 Jåstadstova
”Folkemusikk”
Åse Teigland og Frank Rolland, hardingfele

12.00 Griegkonsert
Oslo Strykekvartett: Geir Inge Lotsberg, fiolin; Per Kristian Skalstad, fiolin;Are Sandbakken, bratsj; Øystein Sonstad, cello

10.00 I RALLARENS FOTSPOR
Lilletopp, Tyssedal
Lars Klevstrand, song og gitar
Åse Kleveland, song
Helge Jordal, skodespelar

14.00 KONSERT i SIMAHALLEN
SIMA kraftstasjon - Eidfjord
The Brazz Brothers m lokale korps & Trondheimsolistene

14.30 SKILLINGSVISER PÅ SKREDHAUGEN
Skredhaugen, Lofthus
Folkemusikkgruppa Skrekk: Camilla Granlien, vokal og kontrabass;
Tone Juve, vokal og cello; Åse Teigland, hardingfele og fele

15.00 LIEDER
Ullensvang kyrkje
Johannes Weisser, baryton; Søren Rastogi, klaver

17.30 JAN GARBAREK GROUP
Hotellhagen, Hotel Ullensvang

21.00 INSPIRERT AV GRIEG
Hardangerhallen, Hotel Ullensvang
Anders Clemens Øien, gitar
Øystein Sonstad: Bestillingsverk fra Grieg 2007
Oslo Strykekvartett: Geir Inge Lotsberg, fiolin; Per Kristian Skalstad, fiolin;
Are Sandbakken, bratsj; Øystein Sonstad, cello

Solveig Kringlebotn, sopran
Brazz Brothers

Sundag 27. mai

09.30/10.15 OMVISING OG KONSERT
Agatunet, Aga
Anders Clemens Øien, gitar

10.00 I RALLARENS FOTSPOR
Lilletopp, Tyssedal
Lars Klevstrand, song og gitar
Åse Kleveland, song
Helge Jordal, skodespelar

14.00 OSLO STRYKEKVARTETT
Hardanger Gjestegard, Alvsåker

14.30 KORPSKONSERT MED BRAZZ BROTHERS OG TRONDHEIMSOLISTENE
Hardangerhallen, Hotel Ullensvang
Lokale korps i samspel med Brazz Brothers og Trondheimsolistene

17.30 GRIEG - GALLA
Hardangerhallen, Hotel Ullensvang
Leif Ove Andsnes, klaver; Håvard Gimse, klaver.

22.00 OVERRASKINGSKONSERT
Hardangerhallen, Hotel Ullensvang
Festivalens musikarar i ein impulsiv konsert med sterke kjensler og sjansespell

Måndag 28. mai

11.00 AVSLUTNINGKONSERT
Hardangerhallen, Hotel Ullensvang
Trondheimsolistene
Åse Teigland, hardingfele
Håvard Gimse, klaver
Oslo Strykekvartett

11.00 KYRKJEKONSERT
Eidfjord gml. Kyrkje
Anders Clemens Øien, gitar