Open Ear Waves
Mandag og tirsdag går ein liten minifestival av stabelen, som eit alternativ til dei som kanskje ikkje finn seg til rette på øyafestivalen åleine. ”Ubemidlet økonomisk, men full av gratis eksperimentell musikk, lydkunst og spesielt kul musikk” lovar Else Olsen S, som deltek på preparert piano i lag med initiativtakar Martin Aaserud. Arrangementet er gratis og ope for alle – òg for dei som har lyst til å spela. Den foreløpige lista over medverkande på Spasibar og i Slottsparken kan du lesa her.
Av Ida Habbestad
- Open Ear Waves er en slags minifestival over to dager, som vi vil skal fungere som møteplass for utøvere og mennesker som lager eksperimentell lyd og musikk, fortel intitiativtakar Martin Aaserud.
- Det er et snevert felt, og under sånne type konserter er det vanligvis folk som selv holder på med disse tingene som kommer for å høre. Derfor hadde vi lyst til å lage et arrangement som var gratis og åpent for alle.
Utveksling av musikk og erfaringar
Konseptet er enkelt: den som vil vera med har lov. I tillegg til ynskjet om å nå så mange publikummarar som mogleg, er eit kanskje like viktig aspekt at einkvar som har lyst til å spela noko har kunna melda inn sine bidrag. Lista over medverkande, som i augeblikket består av Alexander Jensenius, Bergsten/Owesen, Carl Forsell (SING), Christian Jaksjø, Else olsen S, Fluxrotator, Karsten Gebberg (GER), Knut Sævik + Øystein Haugan, Martin Aaserud, Ole Marin Aaserud, Ryan Jordan (UK), Schmacke (GER), Superhærp og Void, kan altså framleis verta utvida fram mot kveldens konsert. Aaserud betonar at møteplass-funksjonen særleg vil vera viktig i forhold til dei som kjem utanfrå.
- I utgangspunktet var tanken å invitere over mennesker til Norge som jeg hadde lyst til at skulle spille her i landet. Det er viktig at de som holder på her får møte mennesker som kommer utenfra, det blir en utveksling av musikk og erfaringer; der man får se hvem som holder på med hva, seier Aaserud.
Eksplosivt frå Forsell
Av det han veit skal skje, framhevar Aaserud to av innslaga som særleg spanande:
- Jeg er spent på Alexander Jensenius, som skal vise frem et prosjekt som de holder på å utvikle i samarbeid med NOTAM. Det er musikkballer som er interface for å styre hvordan musikk oppfører seg i datamaskin. Det kan bli spennende, meiner Aaserud. - Og så kommer Carl Forsell. Han pleier å komme opp med ting på sparket, men han er veldig opptatt av programmering – og det kan fort bli ganske eksplosivt!
Sjølv vil Aaserud spela saman med Else Olsen S. (preparert piano), og gjennomføra ymse andre eksperiment.
Radiosendar
Det andre arrangementet under minifestivalen finn stad i Slottsparken i morgon. Då vil det riggast opp 20 radioar i parken, og ein vil senda heile konserten gjennom radio, over fleire kanalar. Også her er det ope for bidrag av alle slag:
- I morgen er det også åpnet for å komme å ha med seg et lydlagende instrument eller opptak og spille det, seier Aaserud, som oppfordrar publikum til å ha med sine eigne radioar til arrangementet.
- Da kan man velge volumet på musikken selv, og man kan velge hvilken kanal man vil tune inn på, seier Aaserud.
Program for Open Ear Waves
7/8 Spasibar 19.00 til stengetid
8/8 Slottsparken 15.00 til kvelden (v/spasibar)
Live lydkunst/installasjon/musikk sendt gjennom radiosendere. Ta med radio(er) og grip radiobølgene.
