Festivalen med dei mange utfordringar
Nordland Musikkfestuke har offentleggjort årets program. Gjennom 10 dagar til endes kan publikum få med seg heile 11 urframføringar, ei rekkje verk av festivalkomponist Rolf Wallin, samt konsertar med ensemble som Oslo-Filharmonien, Bodø Sinfonietta, Arditti-kvartetten og Hilliard Ensemble. - Mange av artistene vi har med reiser til mange ulike festivaler der de opptrer med det samme repertoaret. Vi ønsker å utfordre dem, om de nå heter Hilliard Ensemble eller Arditti-kvartetten. Når de kommer til Bodø skal de gjøre noe de ikke gjør ellers, seier festivalsjef Rolf-Cato Raade.
Av Ida Habbestad
Festivalen som finn stad i Bodø mellom 3. og 12. august, har dei siste åra satsa sterkt på nyare musikk. I fjor kunne dei melda om 8 urframføringar – medan det i år er heile 11 verk som vert framførte for første gong. Likevel er det viktig for festivalsjef Rolf-Cato Raade å understreka at det ikkje berre er samtidsmusikk det handlar om under Nordland Musikkfestuke.
- Det er jo egentlig en musikkfest som har fokus på klassisk musikk og topputøvere, seier han. - Tanken er mer å integrere samtidsmusikken, og det er en bevisst strategi at vi pakker urfremføringene inn sammen med annen musikk på konsertene.
Når det er sagt, er det er ingen tvil om at verdspremierene, som Raade kaller dei, har blitt ein del av festivalen sitt varemerke.
- Det er noe med å få folk til å forstå at en uroppføring er en musikkhistorisk begivenhet, at plassen noe urframføres på vil følge verket for all fremtid – og at den dermed er med på å sette Bodø på kartet, seier Raade. – Og publikum i Bodø har vist seg å være spenstige. I fjor lot vi SISU innlede en konsert med trekkspillvirtuosen Kimmo Pohjonen. De urfremførte ”Phonotope 4” av Rolf Wallin, på en konsert der det var 1000 mennesker. Det var stor stemning!
Ynskjer ikkje reproduksjon
Integreringa av ny musikk er altså sentralt for festivalsjefen. På same måte er det òg viktig at dei meir etablerte namna – det vere seg utøvarar eller komponistar - ikkje vert presenterte i form av ein reproduksjon.
- Mange av artistene vi har med reiser til mange ulike festivaler der de opptrer med det samme repertoaret. Vi ønsker å utfordre dem, om de nå heter Hilliard Ensemble eller Arditti-kvartetten. Når de kommer til Bodø skal de gjøre noe de ikke gjør ellers, seier Raade.
Slik har det seg at Hilliard Ensemble under festivalen vil urfamføra eit verk av den lokale komponisten Sigmund Lillebjerka, som har skrive verket ”Imaginations” for ensemblet og fiolinist Sveinung Lillebjeka. Eit anna døme er Prinsesse Märtha Louise, som har teke utfordringa om å vera forteljar i ”Petter og Ulven” – for første gong – i lag med det nystarta danseensemblet ”Moving Art”.
Når det gjeld Arditti-kvartetten er utfordringa snudd noko på hovudet, fortel festivalsjefen:
- Arditti har vi på en måte utfordret motsatt vei. De ble invitert først og fremst for å gjøre en uroppføring av Asbjørn Schaathun sin strykekvartett, men så har vi utfordret dem til også å gjøre kvartetter av Beethoven og Ravel. De har vært veldig åpne på det. De er klare på hva de ikke vil spille, og når vi ønsket at de skulle ha med konvensjonell klassisk musikk, har det vært noen ting de har sagt nei til. Men de har først og fremst vært positive, og Beethoven og Ravel har de et nært forhold til.
Oslo-Filharmonien og Rolf Wallin
Mellom utøvarane som ikkje har fått nokon særskilt programmessig utfordring er Oslo-Filharmonien, som kjem med sin sjefsdirigent Jukka-Pekka Saraste. Men i deira tilfelle er det faktum at dei kjem i seg sjølv unikt, meiner Raade.
- Jeg tror at å få en uroppføring med orkesteret ville være umulig, med mindre vi hadde planlagt det for fem år siden. Men det å få Oslo-Filharmonien med sjefsdirigenten her er ganske spesielt. Orkestret reiser jo ikke rundt på mange norske festivaler, og sist gang Filharmonien var i Bodø, var for 10 år siden. Da hadde de ikke med seg sjefsdirigenten sin, seier Raade.
Sibelius, Bartok og Ravel står på Oslo-Filharmonien sitt program, saman med eit verk som etterkvart har fått ein trygg plass på repertoaret hjå dei fleste norske orkestra; nemlig ”Act” av Rolf Wallin.
Wallin er valt til årets festspelkomponist og får presentert ei rekkje verk og prosjekt under Musikkfestuka. Mellom dei er installasjonen ”Feelings”, ”Yo” for computer og controller-dress, ”Baloons” framført av komponisten sjølv og Eirik Raude, ”Drei Gedichte von Rainer Maria Rilke”, ”Elegie” for trompet og orgel, ”Seven Imperatives” for piano, og ”Ning” for obo og strykekvartett.
- Vi anser at han er den mest interessante og mest aktuelle norske komponisten, seier Raade, og trekkjer fram ”Drei Gedichte von Rainer Maria Rilke” som det verket han ser mest fram til. Under festivalen presenterest verket i ein ny versjon for Sinfonietta-besetning, framført av ein annan av festivalens profilerte ensemble, Bodø Sinfonietta, og med Siri Torjesen som solist.
- Det verket regnes som noe av det største han har gjort, og jeg tror det er mange sinfoniettabesetninger som har ventet lenge på at stykket skulle komme i sinfonietta-arrangement, seier Raade.
Elleve urframføringar
Men det er ikkje berre festivalkomponisten som får framført sine verk. Oslo-Filharmoniens kammersolister Dan Styffe (kontrabass), Catherine Bullock (bratsj) og Eirik Raude (slagverk) vil urframføra nye komposisjonar av Rob Waring, Lars Petter Hagen og Ruben Sverre Gjertsen. Vidare får Jan Gunnar Hoff, Henning Gravrok, Trygve Seim og Håkon Berge framført nye verk. Og Halvdan Sivertsen vil urfremføra nye låtar saman med Bodø Sinfonietta og Jonathan Stockhammer.
Som i fjor vert det òg konsert på Keiservarden, det høgste fjellet i Bodø. Her skal verket ”Keiservarden” av Erlend Skomsvoll urframførast, mellom anna av festivalsjefen sjølv. Nok eit resultat av ei utfordring, fortel Raade.
- Festivalen har etterhvert fått et rykte på seg for å være spenstig programmessig. Da er det få som vil komme og gjøre vanlige konserter, seier han. - Fjorårets konsert på Keiservarden med Leif Ove Andsnes ble en stor suksess, og vi måtte gjøre noe lignende igjen. Vi tenkte at Arve Tellefsen måtte være det optimale valget. Da vi spurte ham om å holde konserten der, svarte han at han ville ha med en urframføring – og at han ville at vi skulle spille sammen. Jeg ville jo helst ikke det, for jeg har fokus et helt annet sted under festivalen. Men Tellefsen insisterte på det, og på at Erlend Skomsvoll skulle skrive verket, for pauke, fele og piano.
Fyrverkeri
Utfordringa er teken – og før han reiser heim til Bodø for å arbeida vidare med ytterlegare utfordringar og førebuingar, vender festivalsjefen atter merksemda mot Festkonserten fredag 4. august, der Bodø Sinfonietta framfører Wallin sine Rilkesongar. I tillegg vil nemleg Arve Tellefsen vera solist, i eit program der også Bachs ”Fiolinkonsert i E-dur”, Schönbergs ”Werklärte Nacht” og Lindbergs ”Corrente” vert framført.
- Det blir et fyrverkeri av en konsert! lovar Raade.
Det fullstendige programmet for Nordland musikkfestuke finn du på denne sida.
