På kulturcruise, men framleis utan kaptein
INTERVJU: Ein gamal idé er vakna til live, og KORK samt NRK Kultur er på turné langs Norgeskysten med ei rekkje konsert- og foredragstilbod. Antalet selde billettar er mindre enn venta, men stemninga er likevel god, og i denne artikkelen fortel Anne Christine Bratt i NRK og bratsjist i orkestret, Nora Taksdal, meir om prosjektet. - Med Martin Revheim har vi fått en orkestersjef som er flink til å artikulere mål og å nå dem, og det har kommet inn mange nye musikere som har hevet standarden i orkestret. Det eneste vi venter på nå, er å få på plass en sjefsdirigent, seier Taksdal.
Av Ida Habbestad
5. til 16. november er NRK og Kringkastingsorkestret på turne med hurtigruta MS Trollfjord. Ideen kom til uttrykk gjennom tidlegare sjefsdirigent Rolf Gupta, som meinte orkestret – i kraft av å vera heile landets orkester – burde komma seg ut i landet der folket var.
Me har snakka med vaktsjef Anne Christine Bratt i NRK Kultur, som fortel at det ikkje berre er orkestret som ynskjer å vera til stade ute i landet:
- Prosjektet har et todelt utgangspunkt. KORK hadde lyst til å komme ut i Norge og spille for folk over hele landet, og hurtigruta var transportmiddelet som muliggjorde et slikt prosjekt. Men også NRK Kultur, som har lett for å bli mer Oslo-fokusert enn de ideelt sett ønsker, er med gjennom det hele. Meningen er å vise folk ute langs kysten hva vi gjør, og samtidig vil vi vise hele Norge hva som foregår langs kysten, seier ho.
Synleggjeringa av det lokale skjer ved at musikarar og kulturaktørar med tilknytning til byane der båten legg i hamn, kjem om bord og held konsertar. Dermed kan ein høyra Ålesund Strykekvartett i Ålesund, Terje Nilsen med lokalt band i Bodø, medan ein i Alta får oppleva nordnorsk-baserte forfattarar, og nordnorske folkemusikarar i Harstad. Landets øvrige publikum kan få med seg programmet på radio eller direkte overført på nett-tv.
Breidda i NRK P2
Kva slags publikum ynskjer de å nå i prosjektet?
- Det er jo folk som har litt tid i november, som har litt penger – for det koster jo å reise med båten – og som er glade i kultur. Men dette prosjektet er ikke bare for folk som reiser på hurtigruta. Når vi er i de lokale havnene, åpner vi båten og inviterer om bord. Folk kan gjerne ta en kveld med oss på hurtigruta, seier Bratt.
Eller dei kan finna vegen til det lokale kulturhuset, der KORK held sine konsertar undervegs. Orkestret presenterer to ulike program; på veg nordover har dei med seg Håvard Gimse som solist, medan Wenche Myhre medverkar under konsertane på returen. Og forutan dei nemnde konsertane, vil det òg vera ei rekkje mindre konsertar, foredrag, kveldssalongar, filmvisningar og mindre arrangement om bord på Trollfjord.
Korleis har de tenkt programmessig?
- Dette har jo vært knyttet spesielt mot NRK P2, og vi har ønsket å vise bredden i tilbudet der; alt fra ”Hallo i uken” og ”Radioteatret” til litteraturprogrammer og film, seier Bratt.
Ikkje-kommersielt prosjekt
Men foreløpig har billettsalet vore mindre enn forventa. Kva trur de er årsaka til dette?
- Det er synd at ikke flere får det med seg. Tidspunktet kan være en årsak; folk er kanskje litt skeptiske til hurtigruta i november, men for hurtigruta som har så stort belegg i høysesongen, var det ikke noe alternativ å arrangere kulturcruiset da. Vi tenkte vel at programmet skulle være så fristende at folk kom likevel, seier Bratt.
- Dessuten er ikke prosjektet et kommersielt prosjekt for NRK. Vi er et redaksjonelt konsern, og har ikke kunnet reklamere for det. Det har vist seg tungt å få redaksjonell omtale fra andre medier på forhånd, seier Bratt, som likevel vonar folk kring om i landet vil møta opp til konsertane på rundreisa.
Perfekt blanding av naturoppleving og kultur
Lokkemidlet er eit utval av NRK sitt persongalleri – der Nils Nordberg, Else Barratt-Due, Else Michlet, Erling Wicklund og Knut Borge. Edvard Hoem, Marta Nordheim, Torkjell Berulfsen, Jens A. Riisnæs, Nina Krohn, Trym Ivar Bergsmo og fleire inngår.
Òg sjølvsagt musikarane i KORK, som etter eit døgn om bord på Trollfjord tykkjest vera særs nøgde med opplegget.
- Så langt er det en perfekt blanding av naturopplevelser og kultur; vi har heldigvis fått lugarer med vindu, seier bratsjist Nora Taksdal til Ballade.
Ho meiner turneen er viktig for samholdet i KORK, samstundes som den er viktig for å etablera kontakten med andre delar av landet. For nettopp KORK sine mange ulike sjangrar og konsertstader er mellom det som utgjer orkestrets styrke, seier Taksdal:
- Mye av fordelen med å jobbe her, ligger i at vi får så ulike input. Åpningen av Holocoustsenteret, konserten på Det Åpne Teatret, Superlørdagene i Aulaen, konsertene på Rockefeller; jeg synes det er morsomt å se i ut salen hvor ulike publikum vi når frem til!
Fruktbar periode, men utan dirigent
Ho held fram at orkestret er inne i ein fruktbar periode etter at det har fått sikre levevilkår. Det har gjort noko med mentaliteten i administrasjonen – som musikarane legg merke til – og det er endelig mogleg å planleggja prosjekt lang tid i forvegen, dømevis denne turneen.
- Med Martin Revheim har vi fått en orkestersjef som er flink til å artikulere mål og å nå dem, og det har kommet inn mange nye musikere som har hevet standarden i orkestret. Det eneste vi venter på nå, er å få på plass en sjefsdirigent, seier ho.
For, å vera eit orkester utan dirigent er som å vera på ei skute utan kaptein, seier bratsjisten, før me spør henne om kva musikarane ser etter i ein ny sjefsdirigent:
- Vi ser vel etter en som kan ta hånd om orkesterkvaliteten, som tenker langsiktig kvalitet. Og så er det viktig at vedkommende kan nyttiggjøre seg av vi er et lite orkester, og ikke leke at vi er dobbelt så store, avsluttar Taksdal, klar for ytterlegare 10 dagar på hurtigruta.
For fullstendig program, sjå KORK sine heimesider.
