Samarbeidet er i gang
Laurdag heldt det nyoppretta Nordnorsk Opera og Symfoniorkester sin første konsert. Denne veka vart det klart at jobben som direktør for Bodø Sinfonietta, Tromsø Kammerorkester, samt det samanslåtte orkestret med to funksjonar, er tildelt Rolf-Cato Raade. - Det er historisk at det startes et nytt orkester, meiner Raade.
Av Ida Habbestad
Rolf-Cato Raade kjem frå stillinga som direktør og kunstnarleg leiar for Nordland Musikkfestuke i Bodø – som gjekk av stabelen for første gong i 1980. Raade har vore med sidan 2005, og har hausta mykje åtgaum mellom anna for satsinga på nyare musikk.
- Jeg har på ingen måte ønsket meg bort fra Nordland Musikkfestuke. Det er blitt en virkelig spennende arbeidsplass, og det er mye jeg gjerne skulle gjort for festivalen. Blant annet har vi nettopp headhuntet ny styreleder, Bjørn Simensen (tidlegare sjef for Den Norske Opera & Ballett, red. anm.) som jeg virkelig hadde sett fram til å samarbeide med. Han har et vesentlig kontaktnett, og vi deler mange oppfatninger om hvem som kunne være interessante å invitere til festivalen.
- Men når muligheten først har dukket opp, er det klart at det blir veldig spennende. Etter møtet med orkesteret og administrasjonen er jeg veldig optimistisk. Ikke minst har vi en god styreleder i Roger Ingebretsen, som tilfører en veldig positiv energi, seier Raade til Ballade.
Oppstartsenergi
At der kviler oppstartsenergi kring orkestret gjev denne skildringa – frå orkestret sin første konsert under opninga av Nordland Musikkfestuke – inntrykk av.
Med Mozart sin ”Klarinettkonsert i A-dur”, Sibelius sin ”Symfoni nr. 2”, John Cage sitt ”4’33” samt Jørgen Karlstrøm sitt samiskinspirerte tingingsverk ”Stállogárggu” markerte orkestret kan henda ein kunstnarleg profil – og ialle fall ein innsatsvilje som Raade gjerne tek med seg, etter at det tidlegare har vore skepsis til samanslåinga.
Mellom anna frå musikarane i Tromsø Symfoniorkester, som meinte at deira stemmer ikkje vart lytta til i beslutningsprosessen. Medan direktør for Festspillene i Nord-Norge, Birger Carlsen som ein av dei sist tilkomne i rekkja i juni, kritiserte tankegangen bak orkestret, mellom anna ved å stilla spørsmål kring kva nivå eit orkester som møtest nokre få gonger per år kan oppnå.
- Det vi opplevde når musikere fra Divisjonsmusikken i Harstad, Landsdelsmusikerne og andre frilansmusikere var i lag med ensemblene for første gang, var rett og slett en veldig bra energi. Ambisjonen er å bli et orkester på internasjonalt nivå, seier Raade.
Direktøren for det hele
Om vegen til målet er kort eller lang, vil framtida visa. Same kva er det ein travel kvardag som ventar Raade til hausten når han har kontor både i Bodø og Tromsø, og har opptil fire etablerte organisasjonar å halda orden på.
Direktøren for Nordnorsk Opera og Symfoniorkester er nemlig ikkje berre direktør for dette orkesteret, men òg for dei sjølvstendige ensembla Bodø Sinfonietta og Tromsø Kammerorkester, samt for Musikkteater i Bodø og Opera Nord.
Medan dei to førstnemnde ensembla vil behalda kvar sine kunstnarlege leiarar; høvevis Sveinung Lillebjerka og Kolbjørn Holthe, er Raade ansvarleg for den kunstnarlege leiinga av det samla orkestret. Som namnet tilseier, har orkestret dessutan fleire funksjonar. Det vil, når det framfører symfonisk musikk, gå under namnet Nordnorsk Symfoniorkester, medan det heiter Nordnorsk Opera når det deltek ved musikkdramatiske produksjonar.
Raade trur imidlertid ikkje han vil gå seg vill i omgrepa. Snarare forsvarer han løysinga som føreligg med entusiasme.
- De to ensemblene har per i dag et bra liv. Bodø Sinfonietta er et spenstig og fleksibelt ensemble som har sin helt klare profil som de skal fortsette å rendyrke, mens Tromsø Kammerorkester blir landets eneste profesjonelle kammerorkester. At ensemblene skal inn under en felles administrasjon blir rett og slett en resurssparing. Jobben min innebærer først og fremst å få de to organisasjonene til å fungere i lag, og å være kunstnerisk leder for utviklingen av orkesteret.
Reise og satsing
Raade er glad for at kommunikasjonen per fly mellom dei to byane per i dag er god. Med bustad i Bodø, som tidlegare, ser han likevel føre seg at han vil befinna seg i Tromsø opp mot 50% av arbeidstida.
- Jeg ser jeg for meg å være mye i Tromsø, jeg kjenner orkesteret der, men jeg kjenner ikke byen like godt som jeg kjenner Bodø. Jeg ser fram til å bli kjent med kultur- og næringslivet i Tromsø, seier han.
Apropos reiseverksemd: Nordnorsk Opera og Symfoniorkester har eit budsjett på 30 millionar kroner, fordelt på i underkant av 40 tilsette. Der har vore betydelege bekymringar knytt til kor stor del av beløpet som går med til reiser?
- De to ensemblene er jo mesteparten av tiden i sine respektive byer. Det er bare når vi møtes det blir reiseutgifter, det blir rundt 4-6 prosjekter per år. Jeg tror det er en rett måte å gjøre det på. Både Bodø og Tromsø er for små til å huse 60 musikere for symfoniske produksjoner. Denne måten å organisere orkesteret er tross alt ressurssparende, hevdar Raade.
Som òg understrekar at ein opptrappingsplan,er på gang, der målet er å komma opp i et budsjett på 50 millioner, i nær framtid.
I augneblikket er det difor større grunn til å sjå det sensasjonelle ved opprettinga av eit nytt orkester enn å hefta for mykje ved utfordringane, meiner han.
- Det er historisk at det startes et nytt orkester! Ellers i verden er jo ikke forholdene bare lyse. Jeg møtte Esa-Pekka Salonen (inntil nyleg sjefsdirigent for Los Angeles Philharmonic Orchestra, red anm) for noen uker siden. Han fortalte at Cleveland Orchestra, står i fare for å bli nedlagt. Det er ganske alvorlig. I Norge går man motsatt vei; jeg tror faktisk det vekker internasjonal oppsikt at det blir startet et nytt orkester.
- At det blir utfordringer og løfting av steiner, det kommer man nok ikke unna. Samtidig er orkesteret mitt egentlige felt. Jeg har vært musiker i orkester i nesten hele mitt yrkesaktive liv – blant annet i Sveriges Radios Symfoniorkester og i Oslo-Filharmonien. Så jeg føler jo at orkesteret er et medium jeg kan, avsluttar Raade.
Stillinga som direktør for Nordnorsk Opera og Symfoniorkester er ei åremålsstilling på seks år. Selskapet har følgjande kjerneoppgåver:
- Å gje landsdelens befolkning eit symfonisk orkestertilbud. Musikarane i Bodø og Tromsø, samt Divisjonsmusikken i Harstad og Landsdelsmusikerne utgjer kjernebesetninga i Nordnorsk Symfoniorkester.
- Å utvikla og styrka Tromsø kammerorkester og Bodø Sinfonietta
- Å etablera eit operatilbod i landsdelen gjennom Nordnorsk Opera.
