UTLA på Vestlandsturné

Publisert: 11/15/2000 av - Red.

http://www.ballade.no/nmi.nsf/doc/art2000111515510393310597

Etter fleire turnear i inn og utland inneværande år (m.a England, Færøyane og Bologna), er gruppa UTLA klar for ein fem dagars turné i Norge. Konsertane er i hovudsak lagt til kyrkjer, og vil innehalde vokal og instrumental musikk i "UTLA-tradisjonen". Berit Opheim er med på song.

Trioen UTLA – med Håkon Høgemo (hardingfele), Terje Isungset (trommer, tre, stein, bjøller, munnharpe) og Karl Seglem (tenorsaksofon og bukkehorn) - held fram sitt samarbeid med den prislønna songersken Berit Opheim, og opptak frå turnéen skal gjevast ut på CD i 2001. UTLA sin musikk er unik i norsk og internasjonal samanheng. Gruppa byggjer musikken sin på norsk vokal folkemusikk og hardingfeletradisjon. Nye element vert tilført gjennom tekstar, lydar, klangar, improvisasjon og komposisjon. Resultatet er eit moderne musikkuttrykk: ærleg musikk på eigne premiss. På repertoaret under denne turnéen finn ein mellom anna salmar, lydarslåttar, rudlar og balladar. I hovudsak frå Sogn og Voss. UTLA har gjeve ut CD´ane: ”Utla”, ”Juv”, ”Brodd” og ”Dans”, som alle har motteke svært gode kritikkar av ei rekke anmeldarar i inn og utland. Berit Opheim har medvirka på sentrale folkemusikkutgjevingar dei siste åra, og har også gjeve ut solo CD.

Her kan du sjå Utla med Berit Opheim:

Onsdag 15. november: Voss Kyrkje
Torsdag 16. november: Sogndal Folkehøgskole
Fredag 17. november: Eikelandsosen Kraftstasjon
Laurdag 18. november: Hol Kyrkje
Søndag 19. november: Årdal Kyrkje.

Meir om Utla finn du på: http://www.norcd.no/utla.
 

Relaterte bedrifter:
NORCD AS (Plateselskap)
Utla (Utøverinstitusjoner\Band)
Relaterte personer:
Karl Seglem, Komponist, Saksofonist
Håkon Høgemo, Felespiller
Terje Isungset, Slagverker, Komponist
Relaterte artikler:
09.11.2005 Karl Seglem: - Hvilken frihet, Brazz Brothers?
10.05.2005 Festivalpub på Rytne Gard i Bygstad
24.06.2004 Ei musikalsk bru mellom Noreg og Kina
06.11.2003 Jazzsonen inntar Kvarteret i Bergen
12.05.2003 BBC-konsert og ny plate fra Karl Seglem og Utla
03.03.2003 Karl Seglem og Utla til Tyskland
22.08.2002 Isglem turnerer Irland
24.06.2002 "Nye Nord" med Karl Seglem lanseres i dag