Dagen etter er det duka for tingingsverket «?» skrive av Erlend Skomsvoll og framført av eit 12 manns sterkt ensemble og konsertrekkja i Idrettshallen vert avslutta med eit nytt prosjekt signert radarparet Odd Børretzen og Lars Martin Myhre. Dei har med seg 10 musikarar når dei har scenepremiere det som førebels har arbeidstittelen «Kelner!»
Klubbtilbodet på Vossa Jazz opnar fredag med Silje Nergaard, Kaizers Orchestra, Jon Balkes Descennium Magnetic med Anneli Drecker, Rod Piazza & The Mighty Flyers, Farmers Market, Beady Belle og irske Cian. Laurdagen er det duka for hip hop-kveld på Park med Appollo, Alis og Finger¹n frå Klovner i Kamp, Oslo Fluid og Tungvann, jazzfolket kan gle seg til eit møte med den amerikanske tenorgiganten David S. Ware, Brazz Bros, gitarvirtuosen Mike Gallaher og CD-aktuelle Urban Connection i tillegg til eit spesialprosjekt av og med Eivind Aarset, Dhaffer Youssef og Paolo Fresu og filmmusikk frå James Bond spelt av det sexiaste jazzbandet på jorda - Sexmob.
Blues- og rockeentusiastar kan sjå fram til eit sveitt og svingande møte mellom den engelske blues- og boogie-pianisten Diz Watson og norske Hot Little Mama. Sundagen er det duka for eit heilt spesielt møte - Knut Reiersrud og Bjørn Berge i duoformat. Legg ein så til at Tommy & His Runnaway Boys kjem med rykande fersk CD og varmar opp for Rod Piazza, skulle ein ha ein særs attraktiv blues-meny.
Gamle rockarar er ein usliteleg rase. På Vossa Jazz får me eit møte med nyss gjenoppliva Stavangerensemblet, og Trygve Thue, Magne Lunde og Knut Kristiansen (!) held koken og rockefoten i gang i bandet Soon. Sistnemnde kjem også med CD til Vossa Jazz
Vossa Jazz tilbyr ein spanande litterær vri sundagen. "Jag menar nu 2002" på Vossa Jazz har til hensikt å samla forfattarar, litteratar, bransjefolk og dedikerte lesarar til førsteklasses jazzlitterære opplevingar. I kyrkja er det duka for midnattskonsert med Ståle Storløkken og eit triosamarbeid mellom Berit Opheim, Bjørn Kjellemyr og Nils Økland. Storeforventningar knyter det seg til nok ein Vossa Jazz-premiere - samarbeidet mellom den italienske trompetaren Paolo Fresu og John Pål Inderberg, Svein Folkvord og Stein Inge Brækhus.
Vossa Jazz innleier også ein ny runde med Jazzintro. Der unge jazztalent skal få høve til å presentera seg for eit stort publikum. Unge jazzmusikarar som allereie har markert seg så det rekk, er Kniv & Taffel. Å kalla musikken deira stringsving fortel berre halve sanninga. Dei må berre opplevast!
Det er berre å ta fram den gule eller rosa markørpennen og utheva dagane 22. 23. og 24. mars. Bygda er Voss, og festivalen er Vossa Jazz.
Meir info finn du på www.vossajazz.no
Relaterte bedrifter: |
|||
Vossa Jazz (Festivaler\Mars; Plateselskap) | |||
Kaizers Orchestra (Utøverinstitusjoner\Band) | |||
Urban Connection (Utøverinstitusjoner\Band) | |||
Relaterte personer: |
|||
Jon Balke, Komponist, Jazzmusiker, Pianist | |||
Anneli Drecker, Vokalist | |||
Silje Nergaard, Artist | |||
Nils Økland, Folkemusiker, Fiolinist | |||
Odd Børretzen, Artist, Forfatter, Skribent, Underholder | |||
Knut Reiersrud, Gitarist, Komponist | |||
Bjørn Berge, Artist | |||
Erlend Skomsvoll, Jazzpianist | |||
Relaterte begivenheter: |
|||
Relaterte artikler: |
|||
26.08.2003 Osafestivalen: Urframføringer, tingingsverk og Ultima-samarbeid | |||
MIC Norsk musikkinformasjon
Postboks 2674 Solli
0203 Oslo
Tel: 2327 6300
Fax: 2327 6301
info@mic.no