Konsert med Knut Buen

Publisert: 01/24/2003 av - Red.

http://www.ballade.no/nmi.nsf/doc/art2003012415311441078049

Seljord spelemannslag, Seljord og Kviteseid Leikarring og Kivlemøyan opnar friskt på nyåret med å arrangere konsert i samarbeid med Telemarkkonsertar. Fyrstkomande laurdag kan ein høyre Knut Buen spela slåttar etter og fortelja om Seljord-spelemennene Øystein Olavson Langedrag (1785-1848) og Leiv Øysteinson Sandsdalen (1825-1896), fortel ei pressemelding frå festivalleiinga.

Desse to spelemennene har kanskje kome i skuggen av Myllarguten og Fykeruden. Men Langedrag- og Sandsdalsslåttar er faktisk ofte å høyre på kappleikar. Øystein O. Langedrag er "kjelda" til ein av dei mest kjende bruremarsjane i landet "Bruremarsj frå Seljord".

"Kven skulle tru at marsjen truleg kjem frå Gotland? Marsjen kan ein høyre på konserten når Seljord juniorspelemannslag, Seljord spelemannslag og Knut Buen spelar slåtten saman.
Det blir ein spennande konsert laurdagskvelden på Granvin kulturhus i Seljord", lovar festivalleiinga.

For Knut Buen kan ein så godt seie at "sogene og slåttane går hand i hand". Han har stor interesse for å fortelja innimellom slåttane som han kan så mange av. Forteljekunsten har heile tida vore ein naturleg og sentral del av formidlinga til Knut Buen.

Etter konserten spelar ingen ringare enn setesdølen Vidar Lande og Seljord spelemannslag opp. Dei byter på dansespelinga og gjev sjansen til å friske opp springar, gangar, reinlender og vals. Vidar Lande, filosof og spelemann, spelar nesten kva det måtte vere av bygdedans.

"De bør ikkje gå glipp av denne sjansen til å få danse springar og gangar", oppmodar arrangørane som ynskjer alle hjarteleg velkomne til Granvin denne laurdagskvelden, til "ein flott konsert og god dansetrim etterpå!"
 

Relaterte personer:
Knut Buen, Folkemusiker
Relaterte artikler:
24.01.2003 Nordlysfestivalen åpner idag
23.01.2003 Norsk visearkiv er 20 år
13.01.2003 Festspillene Turné deler ut 600.000
08.01.2003 Spellemannsnominasjoner begeistrer
09.01.2003 Ensemblestøtten 2003: Tradisjonsmusikk
18.12.2002 Crossover til eit nytt år
04.12.2002 500.000 mer til Norsk Visearkiv
02.06.2005 Rekordår for Den Norske Folkemusikkveka
14.05.2003 Kongens fortjenstemedalje i gull til Hauk Buen