Også på festivalens siste dag strøymde publikum til konsertane. Sersjantløa på Sunnfjord Museum var fyllt til siste stol då den skotske trioen Shine gjekk på scena, og kinosalen var også bortimot fullsett så Kathryn Tickell Band hadde sin konsert. Siste konsert på programmet var Blazin’ Fiddles som til fulle innfridde forventningane. Frå scena nytta Catriona Macdonald til å gratulere heile Førde med ein flott festival, og ho takka festivalsjef Hilde Bjørkum for at dei vart blitt inviterte.
Det totale besøkstalet under festivalen ligg på 27000. Det betyr ein viss nedgang frå toppåret 2002, men arrangørane er fornøgde. Det flotte veret har skapt ei fantastisk ramme rundt heile festivalen, men det er gjerne færre som vel å gå innandørskonsert når fjell og fjord lokkar. Tilbakemeldingane frå artistar og publikum er veldig gode.
Publikumsfavorittar blir det alltid på ein festival. Publikum i Førde vil nok heilt sikkert hugse Senge frå Madagaskar og trommegruppa Badenya les frères Coulibaly frå Burkina Faso. Polske Swoja Droga fekk også sine tilhengarar. Elles fremhevar festivalsjef Hilde Bjørkum gjerne den norske delen av årets program. Majorstuen, Flukt og Trispann er blant dei unge, spennande gruppene som utviklar norsk folkemusikk på folkemusikktradisjonen sine eigne premissar. Dei har fått vist seg fram saman med 240 artistar frå 4 kontinent, framfor journalistar og produsentar frå 20 europeiske radiostasjonar og internasjonale tidsskrift som har vore tilstades i Førde.
Relaterte bedrifter: |
|||
Førde Internasjonale Folkemusikkfestival (Festivaler\Juli) | |||
Trispann (Utøverinstitusjoner\Band) | |||
Majorstuen Fiddlers Company DA (Utøverinstitusjoner\Band) | |||
Flukt (Utøverinstitusjoner\Band) | |||
Relaterte personer: |
|||
Hilde Bjørkum, Dagleg leiar | |||
Relaterte artikler: |
|||
03.07.2003 Den 14. Førde Internasjonale Folkemusikkfestival tar til | |||
23.01.2007 Ragnhild Furebotten: Konsert i Tromsø; plateinnspilling på Senja | |||
08.02.2005 Majorstuen lanseres på World- og Folkmarkedet i USA | |||
12.10.2004 Statsbudsjettet 2005: Jubel hos Førde Internasjonale Folkemusikkfestival | |||
22.09.2003 Majorstuen åpner høstsesongen i konsertserien OsloFOLK | |||
MIC Norsk musikkinformasjon
Postboks 2674 Solli
0203 Oslo
Tel: 2327 6300
Fax: 2327 6301
info@mic.no