MIC / Ballade artikkel
Utskrift fra mic.no / ballade.no



Heilskapen er større enn summen av delane

Publisert: 01/30/2007 av Ida Habbestad

http://www.ballade.no/nmi.nsf/doc/art2007012916120544126802

Nordlysfestivalen er den første festivalen som har hatt besøk av samtlege av landets symfoniorkestre. Dette er kanskje ikkje eit mål i seg sjølv, men resultatet av samarbeidet mellom Tromsø og Kristiansand symfoniorkester var særs vellukka. Ballades utsendte har vore på konsert og lete seg begeistra.

Tromsø Symfoniorkester 2007 (330x225)

Av Ida Habbestad

Symfoniorkestra i Tromsø og Kristiansand slo seg saman for ei veke under Nordlysfestivalen i Tromsø. Fredag heldt dei konsert med Wallin, Sibelius og Sjostakovitsj på programmet – og med dette prova dei sine utsegn om at det første samarbeidet mellom landets nordlegste og sørlegste orkestre er eit storhende.

Med sine høvesvis 22 og 50 tilsette musikarar, oppnådde dei to orkestra gjennom samanslåinga ikkje noko anna enn ei normal orkesterbesetning. For landets to minste symfoniorkestre er ikkje standardbesetninga noko dei kan unna seg kvar dag – og for den betre vande var det lett å forestilla seg at dei to orkestra til saman berre ville utgjera eit middels bra symfoniorkester.

Slik vart det imidlertid ikkje. Snarare tilførte samansetjinga ein kvalitet ut over antalet musikarar og deira ulike utgangspunkt – ein kvalitet som ikkje enkelt let seg ordfesta, men som handla om musikarane si tydelege begeistring over prosjektet, repertoaret, dirigenten – og som alt frå starten manifesterte seg både i den musikalske og den visuelle opplevinga.

Samhandling – eller også berre handling?

Nærast som eit symbol på det ovanståande, vart konserten innleiia med Rolf Wallin sitt verk, ”Act”, som i følgje komponisten nettopp er ein hyllest til det samhandlande mennesket.

”Act” er eit usedvanleg bra stykke. Det fungerar godt både for orkestret og for lyttaren – og det er med rette at komposisjonen etter urframføringa ved Cleveland Orchestra i 2004 i ein samtidsmusikk-målestokk har gått som ein farsott, med konsertar i England, Austerrike, Island, samt hjå alle dei norske symfoniorkestra.

Gjennom verket illustrerer orkestret menneskeleg samhandling; frå opninga der musikarane presenterer sine individuelle, ueinsarta bidrag, til avslutninga der dei stadig meir trekkjer i same retning; einsretta, framover. Tross fokuset på å trekkja i felles retning, var det fascinasjonen over korleis enkeltstemmene var sette opp mot kvarandre i spaningstilhøve som var sentralt for underteikna ved denne framføringa. Tanken gjekk like gjerne til 'act' som til 'interact'; handlinga, rørsla, spelet – og alt som krever energi.

Tungt og uvørent

Kulturhuset i Tromsø kan ikkje seiast å vera skapt for symfoniorkesterkonsertar, og det var berre så vidt at samtlege musikarar fekk plass på scena. Det må òg vera utfordrande å vera solist med orkestret i eit rom der akustikken ikkje gjev utøvaren nokon hjelp overhodet. Rommet mogleggjorde likevel ein distinksjon som var interessant for alle dei tre verka. Særleg i kveldens andre verk, Sibelius’ fiolinkonsert i d-moll, var det ein spesiell klarhet ved framføringa, som gav rom for Sibelius mange nyansar i komposisjonen.

Kolbjørn Holthe, som òg er Tromsø-orkestret sin kunstnarlege leiar, gjorde ein overtydande jobb som solist, medan orkestret her kanskje ikkje alltid var like presise i si oppfylgjing. Både solisten og dirigenten tyktest framheva det varme uttrykket i denne framføringa. I tillegg framsto Holthe si tolking som både tung og uvøren – i positiv forstand. Til dømes var det tydeleg i 3. sats, der Holthe gravde seg djupt ned i klangen og henta ut det som fanst av tone i instrumentet, for så å gje slepp på denne klangen og brått gå vidare. Slik framsto tolkinga usentimental men likevel særs ekspressiv.

Rom for det individuelle

Konsertens definitive høgdepunkt var Dmitrij Sjostakovitsj 5. Symfoni. Verket vart på mange måtar ein styrkeprøve mellom dei ulike stemmegruppene i orkesteret - der alle gjekk seirande ut. 2. sats var ein høydare, der Rolf Gupta dansa for sitt publikum medan han let musikarane forma sine bidrag i valsen med særpreg.

I det vesle rommet med så mange musikarar vart lydnivået etterkvart overveldande – eit massivt trøkk slo mot tilhøyrarane så heftig at heller ikkje musikarane klarte skjula si boblande begeistring over sin eigen produksjon av lyd; dei sat glisande på podiet gjennom den siste intense utblåsninga i 4. sats.

Er det rart ein blir begeistra?
 

Relaterte bedrifter:

Nordlysfestivalen (Festivaler\Jazz; Festivaler\Klassisk musikk; Festivaler\Januar)

Tromsø Symfoniorkester (Utøverinstitusjoner\Orkestre)

Kristiansand Symfoniorkester (Utøverinstitusjoner\Orkestre)

Relaterte personer:

Rolf Gupta, Kunstnerisk leder

Kolbjørn Holte, Fiolinist, Konsertmester

Rolf Wallin, Komponist

Relaterte begivenheter:

22.01.2007 Nordlysfestivalen 2007

Relaterte artikler:

24.01.2003 Nordlysfestivalen åpner idag

30.10.2002 Nordlysfestivalen vender tilbake med solen

26.01.2006 MiNensemblet til Nordlysfestivalen med elektronisk lyddesign

21.11.2006 Nordlysfestivalen 2007

03.09.2003 Kulturmeldinga om symfoniorkestra, fleksibilitet og kvalitet

22.08.2001 Kristiansand håper på symfoniorkester

21.08.2001 Orkesterutredningen ligger ute

29.11.2006 Det gløymde Requiem

02.10.2006 Rolf Gupta: - La kritikerne griseslakte oss!

29.09.2006 - En kompromissløs dirigent

29.09.2006 Musikk-kritikerprisen til Rolf Gupta

25.08.2006 Ørjan Matre: Med forkjærleik for store format

13.09.2005 Gupta om KORK: - Det var et mareritt

12.09.2005 Rolf Gupta til Kristiansand Symfoniorkester

26.01.2006 Wallin fremføres med Stavanger Symfoniorkester

14.11.2005 Rolf Wallin fikk Lindemanprisen 2005

01.04.2005 Et eget århundre: Wallins klarinettkonsert - et balkansk rituale

12.01.2009 - Samarbeidet er en mulighet

09.01.2009 - Musikerne er ikke blitt spurt

23.09.2008 Rolf Wallin: Nyfiken på verda

16.04.2008 SISU spiller Rolf Wallin og Lars Myrvoll

11.01.2008 Camilla Wicks: Ein sjeldan pedagog og utøvar

10.01.2008 Nordlysfestivalen - ekstrakonserter

28.12.2007 Nordlysfestivalen - Musikk i bevegelse

11.10.2007 Rolf Wallin 50 år

11.05.2007 Wallin som orkesterkomponist

08.05.2007 Oslo-Filharmoniens Wallinfestival begynner torsdag

01.03.2007 Stort fokus på norsk musikk i Praha

20.02.2007 Ballade om dei 7 skrønene

06.02.2007 Tromsø Symfoniorkester: Direktøren tilbakeviser påstander

05.02.2007 Uro i Tromsø Symfoniorkester

02.02.2007 Kristiansand Symfoniorkester & Det Norske Solistkor - Requiem (2L)

30.01.2007 Nordlysfestivalen sliter med oppslutning og omsetning

MIC Norsk musikkinformasjon
Postboks 2674 Solli
0203 Oslo
Tel: 2327 6300
Fax: 2327 6301
info@mic.no