Hatlevik og platecover
Av Hallgrim Berg, kulturist
Musikkraljøren Svein Egil Hatlevik er på nytt i farten. Sist var det ei melding av Odd Nordstoga si plate, der sjølve musikken ikkje vart omtalt, då skribenten var meir oppteken av Nordstoga sin suspekte funksjon som sentralt ledd i ein rural konspirasjon.
Denne gongen er det ein kommentar til mine oppfatningar om kule og minimalistiske plateomslag. Eg ber om spalteplass for følgjande:
1) Eg har ikkje hatt noko "utspill" i NRK, men har svart ubyråkratisk på eit par spørsmål som P2 og P1 stilte meg i telefonen.
2) Eg er ikkje leiar for Innkjøpsutvalet for fonogram, berre eit vanleg medlem.
3) Eg uttalar aldri noko som helst på vegne av Kulturrådet, men gir uttrykk for personlege meiningar.
4) Eg har ikkje "trukket frem plateselskapet Rune Grammofon" i denne samanhengen - det var det NRK som gjorde. ( Likar sjølv omslaga til RG godt, og har difor mange av CD'ane i hylla her i heimen).
5) Hatlevik nyttar seg av ein gjennomført uærleg debattmåte: Han lagar seg høvelege sitat av meg, i direkte tale og med hermeteikn rundt, for deretter å argumentere mot det eg har "sagt." Snedig, men falskt.
6) Folkemusikkutgivelser (pluralis) er ikkje alltid mønstergyldige, slik raljøren påstår at eg hevdar. Men "Rammeslag" med Sandèn-Warg og Brokke er døme på ein mønstergyldig produksjon, både med god informasjon, fin utteikning og utstyr, og med uvanleg godt spelt musikk inni. Kan gi nyting, lærdom og ettertanke både i utlandet og i innlandet.
7) Hatlevik konkluderar med at eg må vera ein byråkrat som ikkje elskar god musikk, eller at eg tenkjer meir på saksbehandling enn på kunst. Begge delar er feil.
8) Hatlevik meiner at eg vil ha straumlineforma CD'ar så folk av min type slepp å arbeide overtid. Eg opererar ikkje med normal arbeidstid, og slepp difor å jobbe overtid.
Hallgrim Berg, kulturist
Relaterte bedrifter: |
|||
Innkjøpsordingen for fonogram (Støtteordninger) | |||
Norsk kulturråd (Støtteordninger; Offentlige institusjoner) | |||
Relaterte personer: |
|||
Svein Egil Hatlevik, Musikkjournalist | |||
Relaterte artikler: |
|||
29.08.2005 Slettholm om FONO: - Vi trenger seriøse pådrivere som dere | |||
01.04.2004 FAK-komiteen: FrP vil avskaffe Innkjøpsordningen for fonogrammer | |||
31.03.2004 Stortingets kulturkomite: Fleksibilitet og dynamikk i musikklivet | |||
09.03.2004 Morgenbladet-redaktør Alf van der Hagen: - Styrk innkjøpsordningen! | |||
08.05.2003 Norsk musikkproduksjon - en helt vesentlig del av norsk kultur | |||
08.05.2003 - Det viktige er ivaretagelsen av et kunstnerisk mangfold | |||
25.11.2002 MIC om innkjøpsordningen: - Det er nå man må trå til | |||
MIC Norsk musikkinformasjon
Postboks 2674 Solli
0203 Oslo
Tel: 2327 6300
Fax: 2327 6301
info@mic.no