MIC / Ballade artikkel
Utskrift fra mic.no / ballade.no



Allsidig fokus på kammermusikkfestivalen

Publisert: 07/31/2007 av Ida Habbestad

http://www.ballade.no/nmi.nsf/doc/art2007073111404083347219

INTERVJU: ICMF Stavanger startar 6. august, og ei rekkje norske og internasjonale utøvarar vil ta del under festivalen. Mellom anna kjem St Petersburg Kammerkor, som det første medverkande koret i Grieg Trio si tid som kunstnarlege leiarar. På plakaten står òg andre internasjonale storleikar som Aurun Strykekvartett, Trio Parnassus, Zeunerkvartetten og Midori. - Ledesnoren har først og fremst vært å sette sammen et spennende program. Klarer man det, faller mye på plass naturlig, seier Vebjørn Anvik i Grieg Trio om programmet.

Grieg trio06 (330x219)

Av Ida Habbestad

Det er klart for den 17. kammermusikkfestivalen i Stavanger, og ei heil veke til endes med kammermusikk på høgt nivå. I sitt fjerde år som kunstnarlege leiarar har Grieg Trio (Sølve Sigerland, fiolin, Ellen Margrete Flesjø, cello og Vebjørn Anvik, piano) invitert med seg ei rekkje norske utøvarar. Dømevis pianistene Håvard Gimse, Ellen Ugelvik og Christian Ihle Hadland, harpist Ellen Sejersted Bødtker, fløytist Tom Ottar Andreassen, sopranane Elizabeth Norberg-Schulz, Isa Gericke og Eir Inderhaug, trompetist Ole Edvard Antonsen og kontrabassist Katrine Øigaard.

Det vert òg ei rekkje internasjonale ensemble og solistar å høyra i Stavanger. Ensemble som Auryn strykekvartett, Trio Parnassus, Zeunerkvartetten og St Petersburg Chamber Choir tek del i festivalen, og likeeins utøvarar som Midori (fiolin), Charles Abramovic og Michael Roll (klaver), Wouter Raubenheimer (bratsj), Ilmari Hopkins (cello) og Kolja Lessing (fiolin).

Ikkje berre eitt tema

Fjorårets tematikk var kontrastar. I år er tematikken meir mangslungen – i staden for eín overordna raud tråd har dei kunstnarlege leiarane ynst å tematisera enkeltkonsertar, fortel Vebjørn Anvik til Ballade. Dermed er fleire komponistar og stilretningar vektlagde. Mellom anna arrangerast Schubert-aftan, Beethoven-konsert, Grieg-galla og impresjonistisk aftan.

Kvifor har de valt eit slikt fokus, Anvik?

- Vi synes det er interessant og utfordrende å kunne variere festivalprofilen, at vi ikke bare holder oss til et mønster som nødvendigvis skal gjentas. Tidligere år har vi gjerne laget temaer som har strukket seg gjennom festivalen, i år gjør vi noe annet. Vi vil variere slik at publikum forhåpentligvis vil oppdage programmet som nytt og friskt fra år til år, seier Anvik.

Med fokuset på enkeltkomponistar og retningar, kjem ei høvevis stor breidde av tradisjonar til syne, der land som Norge, Tyskland, Russland og Frankrike er tydeleg representert.

- Vi har ikke villet gjøre noen spesiell nasjonal avgrensning, men heller vise et bredt spekter av musikk fra Europa. Ledesnoren har først og fremst vært å sette sammen et spennende program. Klarer man det, faller mye på plass naturlig, meiner Anvik.

Vokalt preg

Eitt element som likevel tykkjest gjennomgåande under årets festival, er dei mange vokale innslaga. Tre sopranar vil vitja Stavanger, og fleire konsertar er via til lieder, songar og annan vokalmusikk. Isa Gericke deltek til dømes med lieder av Schumann og Beethoven og Händel, Elizabeth Norberg-Schulz framfører verk av Strauss og Boccherini, og Eir Inderhaug har saman med Ellen Ugelvik sett saman eit program med høvevis nye vokalverk av Crumb, Vanessa Lann og Ligeti.

Vidare får festivalen besøk av St Petersburg Kammerkor, som mellom anna framfører Rachmaninovs ”Vesper” fredag 10. august.

- Dette er første gang vi som kunstneriske ledere har med et kor, noe vi selvfølgelig ser frem til, seier Anvik.

- Det er et fantastisk kor, som er prisbelønte og aktive internasjonalt. De kommer med sitt spesialrepertoar som er slavisk musikk, med vekt på Rachmaninov, men de presenterer også andre komponister som Tsjaikovskij og de noe mindre kjente Shvedov, Kalinnkov, Smirnov og Taneyev.

SSO – Samtid og Klassisk

Også musikarar frå Stavanger Symfoniorkester deltek under festivalen. Onsdag 8. august framfører SSO Samtid under dirigent Thomas Søndergård musikk av Magnus Lindberg og Bent Sørensen, som nyleg var festspelkomponist under Festspillene i Bergen.

Avslutningskonserten er det SSO Klassisk som står for, med dirigent Daniel Reuss og solist Ole Evard Antonsen. Antonsen erstattar Christian Lindberg, som måtte melda avbud. Dagleg leiar for festivalen, Emile Labarchède skriv følgjande om endringa i ei pressemelding:

”Lindberg skulle ha spilt med SSO Klassisk på avslutningskonserten i Stavanger domkirke lørdag 12. august. Nå kommer Ole Edvard Antonsen i stedet, med Haydns trompetkonsert i Ess-dur. I tillegg til at de to nordiske messingblåserne begge befinner seg i den internasjonale elite, er det også et spesielt bånd mellom dem. Christian Lindberg har skrevet en trompetkonsert spesielt for Ole Edvard Antonsen, som urfremførte dette verket i 2005”.

Mellom dei meir uformelle konsertane, finn me arrangementa på Gaffel & Karaffel, der Stavanger Kitchen Orchestra og vokalgruppa Pitsj opptrer. Dei bringer inn andre sjangrar under festivalen, i eit forsøk på å trekkja til seg eit breiare publikum. Ein konsert for den yngre garde vert det òg, med Tone Huldbækmo og Hans Fredrik Jacobsen sin gjøglarkonsert laurdag 11. august.

Det ligg an til å bli ei rekkje gode opplevingar – men Anvik ynskjer ikkje å spekulera i kva som vert årets høgdepunkt.

- Når vi lager festivalprogrammet er meningen at den skal bestå av så mange høydepunkt som mulig. Vi håper altså at det blir en rekke spennende opplevelser, og at publikum selv kan få velge sine høydepunkter, ut fra sin oppfatning, avsluttar han.

Meir informasjon om festivalen finst på www.icmf.no
 

Relaterte bedrifter:

International Chamber Music Festival (Festivaler\Kammermusikk; Festivaler\Klassisk musikk; Festivaler\August)

Grieg Trio (Utøverinstitusjoner\Ensembler)

Stavanger Symfoniorkester (Utøverinstitusjoner\Orkestre; Plateselskap)

Pitsj ()

Relaterte personer:

Vebjørn Anvik, Pianist

Håvard Gimse, Pianist

Ellen Ugelvik, Pianist

Eir Inderhaug, Sopran

Elisabeth Norberg-Schulz, Sopran

Ole Edvard Antonsen, Trompetist, Artist

Tom Ottar Andreassen, Solofløytist

Christian Ihle Hadland, Pianist

Ellen Sejersted Bødtker, Harpist

Isa Katharina Gericke, Sopran

Relaterte begivenheter:

06.08.2007 International Chamber Music Festival 2007

Relaterte artikler:

28.04.2006 Programmet for ICMF Stavanger er klart

19.12.2003 Grieg Trio skal lede kammermusikkfestivalen i Stavanger

07.11.2003 Truls Mørk tar farvel med Kammermusikkfestivalen

07.08.2006 ICMF Stavanger åpner i dag

22.04.2009 Lederskifte i Stavanger

05.01.2009 Grieg Trio med dobbel CD

28.11.2008 Sinding – Musikk for fiolin og klaver

12.08.2008 Ny programsjef i Stavanger

08.08.2008 Klart for kammermusikk i Stavanger

01.08.2008 Norsk satsing i kulturbyåret

08.07.2008 Ellen Sejersted Bødtker: Eit forsøksvis brot med myten

09.06.2008 Beethovens symfonier på 11 dager

07.05.2008 Grieg Trio framfører Beethoven, Schubert og Thoresen

28.04.2008 ICMF Stavanger - Smakebiter fra programmet

04.02.2008 SSO spenner buene

09.11.2007 Kulturdepartementet - økt tilskudd til Stavanger

09.11.2007 Grieg Trio feirer 20 år

15.10.2007 Samspill i Bjergstedparken

28.08.2007 Steven Sloane debuterer som sjefsdirigent for SSO

23.08.2007 Flere utnevnelser til St Olavs Orden

14.08.2007 ICMF Stavanger: Festival for fiffen?

13.08.2007 Vokalt fokus i 2007

10.08.2007 Verdsstjerner og lokale høgdepunkt

09.08.2007 Mellom uro og stille

03.08.2007 Tom Ottar Andreassen: - Om ingenting kan gå galt, er det ikke mye å øve for

02.08.2007 Stor interesse for jobb i SSO

02.08.2007 Håvard Gimse: Ein egen klang

MIC Norsk musikkinformasjon
Postboks 2674 Solli
0203 Oslo
Tel: 2327 6300
Fax: 2327 6301
info@mic.no