Av Ida Habbestad
Årets festival opnar 13. mars og finn stad gjennom 10 dagar til endes, med 900 medverkande – mellom dei 15 kor – fordelt på ei rekkje konsertar i 11 ulike kyrkjer.
Fokus i år er Jomfru Maria, som gjennom dei siste to årtusner har vore gjenstand både for teologisk og kunstnarleg refleksjon.
10 prosjekt er via den bibelske karakteren, og under programlanseringa tirsdag, vart det understreka at variasjonane i tekstlege og musikalske tolkingar er mange.
- Årets festival viser ikke bare Jomfru Maria som den unge og uskyldige kvinnen som får et viktig budskap om at hun skal bli Guds mor. Det er også en moden Maria som vises frem: den voksne kvinnen som mister sin sønn, som står ved hans side og gjør modne erfaringer, sa prest i Oslo Domkirke, Elisabeth Thorsen.
Ho vil ha ei sentral rolle under årets festival, mellom anna som leiar av eit seminar om Maria. Der vil Mariaskapnaden belysast gjennom ei rekkje ulike perspektiv, der skjønnlitteratur, kyrkjehistorie, teologi, musikk og kunst er inngangsportar, og der ein òg vil sjå jomfrua i lys av buddhistisk spiritualitet.
I forkant av festival og seminar, uttrykkjer Thorsen at ho er svært nøgd med at Maria får stå på dagsordnen.
- Musikalsk sett, gjennom for eksempel de mange Stabat Mater som finnes, er Maria tydelig til stede i vår tradisjon. Men i en teologisk sammenheng i den protestantiske kirken, har hun nok ikke hatt en like naturlig stor plass, sa Thorsen, som roste kirkemusikkfestivalen for ofte å ha markert Maria bodskapsdag, som kvart år fell saman med festivalen.
Og på spørsmål om kvifor det er sentralt med eit utvida fokus på Maria, svarte soknepresten at ho meiner Maria har mykje å seia til menneske i dag, som eit universelt symbol for det humane, sterke og nettopp menneskelege.
- Maria representerer et rikt register av fortolkninger. Hun er et sentralt ikon i kristen teologi, samtidig som hun representerer en fremmed: den ingen hadde trodd skulle få en så viktig plass, sa Thorsen.
Mangfaldige perspektiv
Med utgangspunkt i sin visjon om mangfald, er det eit breidt spekter av Mariatolkingar som kyrkjemusikkfestivalen vil presentera. Både gjev dei plass til innfallsvinklar frå ulike kyrkjelege tradisjonar, som den katolske, ortodokse og den protestantiske tradisjonen. Vidare hentar dei fram Maria gjennom eit utsnitt av musikkhistoriske perspektiv.
Mellom presentasjonar av det eldste materialet er Consortium Vocale sin gregorianske Maria-musikk, sett opp mot nyskrivne orgelimprovisasjonar av Kåre Nordstoga.
Vidare er to leiande tidlegmusikkensemble inviterte. Barokkensemblet Accademia Bizantina vil saman med solistane Roberta Invernizzi og Marina de Liso fremføra Pergolesi sitt ”Stabat Mater”, medan spanske Capella de Ministrers presenterer lite kjend middelaldermusikk frå eit nonnekloster i Spania.
Profilert er òg dei nye tolkingane av Maria, mellom anna representert ved konserten Ensemble 96 gjev, under tittelen «Den moderne Maria». Her har komponistane Karin Renquist, Judith Bingham og Cecilie Ore bidratt med musikk til tekstar om henne.
Nokre dagar etter framfører Trio Mediæval og Det Norske Jentekor verket ”Mater Dei” – Guds mor. Dette siste verket er det britisk-norske Andrew Smith som har komponert, basert verket på dikt av Rainer Maria Rilke.
- Denne syklusen ”Das Marien-Leben” på 13 dikt skildrer Marias liv; fra hennes fødsel og videre; hvordan hun bæres frem i tempelet, til Jesu første mirakel – da han gjorde vann til vin i Kana – som eksempel. Men alt er sett fra hennes ståsted. Det er en personlig tekst som menneskeliggjør, og som ikke ikoniserer, fortalte Smith som har tonesett 9 av dei 13 dikta.
Og som til slutt kunne fortelja om sitt ynskje i dette verket om å veva saman nytt og gamalt, idet musikken hans er sterkt inspirert av den gregorianske tradisjonen.
- Jeg er i musikken ikke opptatt av at det nye skal skille seg fra det gamle. Isteden for en lineær tankegang, ønsker jeg at det nye og det gamle skal eksistere side om side, idet de omhandler den samme myten, den samme troen og den samme personen, sa Smith.
Også som avslutningskonsert vert det Maria-musikk; eit nytt "Stabat Mater", tinga av kirkemusikkfestivalen. Britiske Ivan Moody har skrive musikk til dette, les intervju med komponisten her.
Òg professor ved det teologiske fakultet, Notto Thelle, bidrar under Maria-markeringa med eit foredrag om Maria både som tenarinne og som opprørar.
Det fullstendige festivalprogrammet finn du her.
 |
|||
|
Relaterte bedrifter: |
|
||
|
|||
Oslo Internasjonale Kirkemusikkfestival (Festivaler\Kirkemusikk; Festivaler\Klassisk musikk; Festivaler\Mars) |  | ||
| |||
Trio Mediæval (Utøverinstitusjoner\Ensembler) | | ||
| |||
Ensemble 96 (Utøverinstitusjoner\Kor) | | ||
| |||
Det Norske Jentekor (Utøverinstitusjoner\Kor) | | ||
| |||
|
|||
|
Relaterte personer: |
|
||
|
|||
Bente Johnsrud, Festivaldirektør og kunstnerisk leder | | ||
| |||
Andrew Smith, Komponist, Oversetter | | ||
| |||
Kjetil Almenning, Dirigent, Sanger | | ||
| |||
Cecilie Ore, Komponist | | ||
| |||
|
|||
|
Relaterte begivenheter: |
|
||
|
|||
| |||
| |||
|
|||
|
Relaterte artikler: |
|
||
|
|||
| |||
| |||
| |||
| |||
| |||
| |||
05.12.2007 Oslo Internasjonale Kirkemusikkfestival: Tysk satsning og barn i sentrum | | ||
| |||
| |||
| |||
08.11.2006 Hvor er den tverrsjangerlige musikkompetansen? Del 1 | | ||
| |||
| |||
| |||
| |||
| |||
| |||
| |||
MIC Norsk musikkinformasjon
Postboks 2674 Solli
0203 Oslo
Tel: 2327 6300
Fax: 2327 6301
info@mic.no