Unik plateutgjeving

Denne hausten debuterer spelemannen Sigurd Eldegard (1893-1962) frå Årdal i Sogn på CD - 40 år etter sin død. Bak denne plateutgjevinga står prosjektleiar Synnøve S. Bjørset og plateselskapet Ta:lik.

09.09.2002 | Av: - Red.

- Sigurd Eldegard er og var ein av dei største og viktigaste spelemennen i fylket vårt. Musikken hans er gull verd, sier prosjektleiar Synnoøve S. Bjørset. - På 1950-talet var innsamlarane Arne Bjørndal og NRK v/Rolf Mylkebust på vitjing hjå Sigurd, og gjorde då opptak med denne framifrå spelemannen. Det er eit utval av desse opptak som no vert gjeve ut på plate.

- Arkivopptak er ikkje berre ein kulturhistorisk dokumentasjon, slik mange trur. Det er også ei kjelde til store musikalske opplevingar. For det er i mange tilfelle snakk om verkeleg god musikk, ein tidlaus musikk som har stor musikalsk verdi også mange tiår etter at innspelingane vart gjort.

Ta:lik er eit plateselskap som har spesialisert seg på utgjeving av arkivopptak. Tidlegare har det kome plater med spelemennene Olav Moe, Haldor Røyne og Harald Fylken, alle frå Valdres. Men no er det altså Sogn sin tur, og det er Sigurd Eldegard som presenterast på den fjerde plata i serien.

Plata skal sleppast under Vestlandskappleiken i Bergen 4. - 6.oktober. Her blir det ei markering der Eldegardsinspirerte spelemenn og -kvinner spelar og fortel. Blant aktørane finn ein Håkon Høgemo, Synnøve S. Bjørset, Sogn Spel og Dansarlag, og Svein Nesje.

Kommentarer:

Kom gjerne med informasjon, argumenter og synspunkter. Du kan enten kommentere via din Facebook-profil, eller, om du ikke har det, via vårt lokale kommentarsystem. Vi krever uansett at du underskriver med fullt navn. Alle kommentarer må godkjennes av redaksjonen før de offentliggjøres (mer om Ballades kommentarsystem). På forhånd takk!