Urban Connection på turné

Jazzorkesteret Urban Connection slapp i april si debutplate, som vart godt motteken av kritikarane. Bandet skal no vitje ein rekke land i Norden og Baltikum.

03.05.2001 | Av: - Red.

Urban Connection, som vart kåra til årets unge norske jazzmusikere i 1998 og uoffisielle europameistarar i Avignon-Frankrike i fjor sommar, er no på ein etterlengta turne. I samarbeid med Vatlestad ans har ein lagt opp ein Norden/Baltikum-turne som ein er midt inne i første del av.

Urban Connection har til no vitja Trondheim, Tønsberg, Oslo og Island, der dei spelte dei tre konsertar. Turneen går no vidare til Baltikum:

3. mai: Vilnius Jazzclub i Litauen
4. mai: Hotel Wesenbergh i Rakvere-Estland
5. mai: Anglican Church-Riga Jazzfestival i Latvia
6. mai: Gallerii Illegaard i Tartu-Estland

Turneen held fram i august med Grønland, Færøyane, Danmark, Sverige, Finland og Åland. Turneen er støtta av Utanriksdepartementet, Nordisk kulturfond, Norsk kulturfond og NOMUS.

I samband med turneen har Urban Connection og slept sin første cd, "Urban Connection", som har motteke strålande kritikkar. Bandet Urban Connection starta opp i 1996, i samband med eksamenskonsert på jazzlinja ved Musikkonservatoriet i Trondheim.Bandet speler moderne jazz med røter i den musikken som utvikla seg i New York i be-bopens kjølevann på 60-tallet. Dei komponerar sjølv det meste av materialet.

Urban Connection er Frode Nymo (saxofon), Håkon M. Johansen (trommer) og Steinar Raknes (kontrabass).

Kommentarer:

Kom gjerne med informasjon, argumenter og synspunkter. Du kan enten kommentere via din Facebook-profil, eller, om du ikke har det, via vårt lokale kommentarsystem. Vi krever uansett at du underskriver med fullt navn. Alle kommentarer må godkjennes av redaksjonen før de offentliggjøres (mer om Ballades kommentarsystem). På forhånd takk!